ಹಳೆಗನ್ನಡ ಶಾಸ್ತ್ರೀಯ ಕಾವ್ಯಗಳ ಓದು – ಹರಿಶ್ಚಂದ್ರ ಕಾವ್ಯದ ಅನುವಾದ ಮತ್ತು ಸಂವಾದ – ಋತುಮಾನ

13 ನೇ ಶತಮಾನದಲ್ಲಿ ರಚಿತವಾದ ರಾಘವಾಂಕನ ಹರಿಶ್ಚಂದ್ರ ಕಾವ್ಯ ಈಗ ಇಂಗ್ಲಿಷ್ ಗೆ ಅನುವಾದಗೊಂಡಿದೆ. ಲೇಖಕಿ ವನಮಾಲ ವಿಶ್ವನಾಥ್ ಅವರು ಈ ಅನುವಾದ ಮಾಡಿದ್ದಾರೆ .  ಪ್ರಾಚೀನ ಭಾರತೀಯ ಕೃತಿಗಳನ್ನು ಇಂಗ್ಲಿಷ್ ಭಾಷೆಗೆ ಅನುವಾದಿಸುವ ಉದ್ದೇಶದಿಂದ ಇನ್ಸೋಸಿಸ್ ಪ್ರತಿಷ್ಠಾನದ ನೆರವಿನೊಂದಿಗೆ ಆರಂಭವಾದ ದಿ ಮೂರ್ತಿ ಕ್ಲಾಸಿಕಲ್ ಲೈಬ್ರರಿ ಆಫ್ ಇಂಡಿಯಾ ಈ ಕೃತಿಯನ್ನು ‘The life of Harishchandra’ ಎಂಬ ಹೆಸರಿನಲ್ಲಿ ಪ್ರಕಟಿಸಿದೆ. ಬೆಂಗಳೂರಿನ ರಾಜಾಜಿನಗರದಲ್ಲಿರುವ ಆಕೃತಿ ಪುಸ್ತಕದಲ್ಲಿ ನಡೆದ ” ಹಳೆಗನ್ನಡ ಶಾಸ್ತ್ರೀಯ ಕಾವ್ಯಗಳ ಓದು – ಹರಿಶ್ಚಂದ್ರ ಕಾವ್ಯದ ಅನುವಾದ ಮತ್ತು ಸಂವಾದ ” ಕಾರ್ಯಕ್ರಮದಲ್ಲಿ ವನಮಾಲ ವಿಶ್ವನಾಥ್ ಮಾತನಾಡಿದರು. ಈ ಕಾರ್ಯಕ್ರಮವನ್ನು ಋತುಮಾನ ದಾಖಲಿಸಿಕೊಂಡು ಇಲ್ಲಿ ಪ್ರಕಟಿಸುತ್ತಿದೆ. ದಾಖಲೀಕರಣಕ್ಕೆ ಅನುಮತಿ ನೀಡಿದ ಆಕೃತಿ ಪುಸ್ತಕದ ಮಾಲೀಕರಿಗೆ ಋತುಮಾನ ಅಭಾರಿ.